Beste egile batzuek egindako bideo batzuen zatiak, argazkiak eta abesti batzuek erabili ditut, bideo-hausnarketa hau gauzatzeko. Bideo honek, ez du helburu komertzialik. Helburua esnatzea du, amesgaizto honetatik esnatzea.
Irailak 11, beldur hari batek hiru gertaera lotzen ditu. Irudimenaren eta askatasunaren inkisidoreak, munduko jauntxoak, eliteak, teknologia eta bitarteko guztiak erabiliz, errealitatea distortsionatu eta gizartea eraldatzeko ahaleginetan dabiltza. Beldurra, bortxakeria neurrigabea eta propagandaren bidez, mundu osoan zehar, Munduko Ordena Berria ezartzen ari dira.
Ilegalizazioak, debekuak, salbuespen neurriak, Parot dotrina, tortura, atxiloketa prebentiboak, justizia prebentiboa, eta abar luze bat, konplot
honetan Euskal Herrian tokatzen zaigun kuota dira.
1973an Txilen, AEBen ekimenaz, Hego Amerikaz jabetu zen aro ilun baten hasiera izan zen, KONDOR Operazioa. Hego Amerika osoa diktadura batean bihurtu zutelarik. Europan, Italian eta Belgian bereziki, Al Kaeda (CIA) estiloko atentatu basati indiskriminatuak, Gladio sareak, egin zituen bezala, Euskal Herrian, errefuxiatuen aurka aritu zen. 70eko hamarkada amaieran Pertur eta Argala erail zituzten frogak Italiako ikerketa, judizial batean azaldu ziren, hain zuzen. Gladio, OTANek eta Amerikako Estatu Batuetako zerbitzu sekretuek eratu zuten, lekuan lekuko polizia eta zerbitzu sekretuekin elkarlanean. Hego Amerikako Kondor -en bezala. Egungo estatu hiperterrorismoa burutzeko, Al Kaeda sarea eratu al zuten?
Nazien teknika guztiak erabiltzen ari dira, gezurrak, propaganda, tortura, terrorismoa, auto-erasoa… naziekin lotura zuzena dute, nazien jarraitzaile dira, TEKNONAZIAK dira, eta kontrol digital osoko gizarte totalitarista eta zapaltzaile batetaruntz garamatzate. HAU EZ DA DEMOKRAZIA! Ez hemen, ez inon. Demokraziaz jantzitako faxismoaren garai ilunak dira. Krisi ekonomikoa lehertarazi dute. Oraingoan, faxismoa, mundu globalizatu osoan hortzak erakusteko prestatzen ari da. Hauek, irudimenaren inkisidoreek antolatu diguten etorkizunaren lehen izpiak dira. Mundu hobeago bat irudikatu behar dugu, etorkizun hobea sortuko duen hazia erein behar dugu. BIZIMODU HOBEA EGIN BEHAR DUGU!!
Erne! Inork ez ditzala zure erabakiak hartu! Ondo informatu zaitez, bertsio ofiziala gezurra izan ohi da. Galderak egin. Zure senari jarraitu. Adi egoteko garaia da. Gezurretan ari zaizkigu!
Bizi dugun egoera zitala salatu eta aurrera urratsak ematen hasteko helburuarekin burututako bideoa duzue. Komunikabide gehienek ez dituzte gertatzen ari direnen inguruan galdera azkarrik (inteligenterik) egiten, ez dituzte galderak egiten ere. Beste alde batera begira jartzen saiatzen ari dira, sarearen bidez, besteak beste, komunikabideek ukatzen gaituzten informazio asko jasotzeko aukera dugunean. Kanpotik ingelesez datorren materiala azpititulatu eta itzaultzeko egiten duten ahaleginarengatik, esker bereziak eman nahi nizkie, beraiei esker jaso baitut lan hau egiteko beharrezkoa nuen bultzada eta informazioa.
Irailak 11 horiren helburua, neurri apal batean, komunikabideen bunkerra ukatzen eta ezkutatzen ari zaigun informazio apur bat ikusleari eskaintzea da. Egoera ezberdinen pintzelada, zertzelada, batzuen bidez, ikusleari informazio horren berri ematea, ikusleak informazio honetan sakondu nahi ezkero, bideoa burutzeko erabili ditudan dokumentalak ikustearekin informazio gehiago jasoko luke. Beraz, azken finean, ikuslea beste bideo horietara erakartzeko edo gutxienez bideo horien esistentziaz ohartarazteko ahalegin bat da, nire dokumentalak, ikusle askori beste dokumental horien berri lehen aldiz emango dielako.
Martxoan, oraindik zehaztu gabeko data batean (berriki zehaztuko dut), Orereta-Errenteriako Reina Aretoan jendaurreko estreinaldia egingo dut. Jakinaren gainean izango zaituztet.
Oraingoz bideoa, sarean dago. Hemen, Komunikariaken, Vimeon, investigar 11s.orgn, Gogoetak Tantakan eta LEIZE irudigilea webgunean.
Azken iritzi sorta